Toshkentni larzaga solgan 90 kun

Ana shunday tadbirlardan biri xalqimizning tasavvurida yorqin xotiralar qoldirdi desak adashmaymiz.

2019 yilning 11 sentyabri. Aynan shu kuni Toshkentning «Xumo» muz arenasi dunyodagi eng nufuzli va kuchli ligalaridan biri bo'lgan «Oliy xokkey ligasi»da o'zining birinchi o'yinini o'tkazdi. Takidlash joizki, ushbu o'yin kutilgandanda alo o'tdi. 12 minglik «Xumo» arenasini to'ldirib o'tirgan qora ko'zlar qarshisida toshkentliklar «Ryazan» jamoasini yirik hisobda mag'lubiyatga uchratdilar. Takidlab o'tish kerakki, «Ryazan» XK 70 yillik tarix va ananalarga ega bo'lgan nomdor klubdir.

Tomoshabinlarning mehr-muhabbatini qozonishni va keyingi o'yinni, aniqrog'i o'yinlarni intiqlik bilan kutishdek etiborini, zamonaviy, shinam va qulay arena, tashkilotchilarning esa xuddi jigarini to'yidagiday mehr bilan tashkillashtirgan bayrami, tez, chiroyli va shijoatli uyin va yana albatta, yakuniy hisob taminlab berdi.

Tashkilotchilar «muxlislarimiz 30 yildan beri xokkeysiz o'tirishdi, etar» deyishdimi, bilmadik, keyingi uchrashuv bir kundan so'ng bo'lib o'tdi. Xayriyatki, talaffuz filganda tilingiz chalkashib ketadigan «friggatriskaydekafobiya»(13 rakamidan irim kiladiganlar) hastaligiga chalinganlar O'zbekistonda uchramaydi. CHunki, 2-uyin 13 sentyabrga to'g'ri keldi. Bu o'yinda poytaxtliklar Kozonning «Bars» klubiga qarshi muzga chiqishdi. «Bars» hakida gapiradigan bo'lsak - bu klub 5 karra Rossiya CHempionati g'olibi bo'lmish «Ak Bars» klubining egizagi hisoblanadi. Lekin, rakibning dabdabasiga karamay («Bars» xozirgi kunda 111 shaybani raqib darvozaga joylab, liganing etakchisiga aylangan). «Xumo» vakillari bu safar ham ustun kelishdi. O'yin boshidagi tezkorlik bilan urilgan ikkita goldan so'ng, mezbonlarning «yana avvalgi hisobda yutamiz degan umidlarini «Bars»ning 3-bo'lim o'rtasiga kelib, hisobni durang qilishgani «qanotlilar»ni («Xumo») barchasini boshidan boshlashga majbur kildi. Tomoshabinlarning olqishlaridan ilxomlangan mezbonlar va nixoyat «umid va orzular» shaybasini darvozaga yo'llab, 3:2 xisobida «Bars»ni mag'lub etishdi. Ikkinchi g'alaba!

2-g'alabadan so'ng biz uchun bu yangi sport turida g'alabalarning keti uzilmaydiganday tuyular, «Xumo» arenasi esa bu erga chag'von ko'tarib kelganlarni muz tishlatib, 2 ochkosini olib quyib, bo'm-bo'sh qaytarib yuboradigan bir maskanday tushunilardi. O'z uyimizda o'tgan uchinchi o'yin «oyog'i erdan uzilib, bulutlarda parvoz kilib» yurganlarni tezgina muz saroyidagi o'rindiqlarga qaytardi. SHu bilan birga sportdagi oltin qoidani ularning miyasiga kuyib kuydi: «OXLda o'zingni er bilsang, raqibingni sher bil». Xar uyin avvalida bosh murabbiy Evgeniy Popixin  Nikolaevichning og'zidan chiqqan bu so'zlar bellashuv jadvalining eng oxirgi o'rinlarida turgan «Torpedo-Gorkiy» bilan bo'lgan o'yinda uz tasdig'ini topdi. Birinchi bo'limda «Xumo» bitta shayba kiritdi, o'yin davomida SHerbina va Belyakovlar jaroxat tufayli maydonni tark etdi. Asosiy vaqtning oxiriga 16 soniya kolganda esa Gorkiyning «Torpedo»si zambarakdagi o'q kabi, shaybani darvozaga joylab quydi. O'yin overtaymda davom etdi. Unda xam kuchlar teng keldi. Bulletlar seriasida esa «Torpedo»chilarning mergani aniqrok harakat qilgani yaqqol kuzatildi. Mag'lubiyat achchiq, «gorkiy» so'zining tarjimasi kabi.

Sentyabrning uchinchi o'nkunligida Evgeniy Nikolaevich shogirdlari o'zlaring safardagi (Uralning -«Zaurale», «Gornyak Uchaly», «Yujnyy Ural» va «CHelmet») uchrashuvlariga jo'nab ketishdi. Aytish joiz, uchrashuvlar umidni oqlamadi. Birinchi uch uchrashuvda «Xumo» o'yinni boy berdi. O'yin sifati bo'yicha emas, hisob bo'yicha. O'yindan keyingi hisobotlar xar xolda so'zlarimizni tasdiqlaydi. Darvozabonlar o'yini tahsinga loyiq, ammo qolgan o'yinchilar o'z imkoniyatlarini oxiriga etkaza olmasliklari toshkentliklarga ochko yig'ishga yo'l qo'ymadi. Lekin, qalampirni achchig'ini asal kesganiday, bitta yutuq va O'zbekistonning dunyo xokkey xayotiga qo'shilishi alamlarni sal bosdi.

Otabek Jo'raev maqolasi.

Iskandar Axmedov tarjimasi