01 may 09:46
Yangiliklar

Futbol

Turkiya va Rossiyada mavsum g'oliblari muddatidan oldin malum bo'ldi

“Trabzonspor” klubi o'z tarixida 7-marotaba Turkiya chempionligini qo'lga kiritdi.

Jamoa oxirgi marta bu unvonga 1984 yili erishgandi.

Abdulla Avji shogirdlari chempionat 35-turidan keyin 77 ochko bilan g'oliblikni rasmiylashtirishdi. Musobaqa yakuniga esa 3 tur qolgan va trabzonliklarning eng yaqin taqibchilari “Fenerbaxche” hisobida 68 ochko bor.

RPLda esa “Zenit” qatorasiga 4-marotaba titul sohibiga aylandi.

Sergey Semak shogirdlari 27-turda “Lokomotiv”ni (3:1) taslim etib, ochkolari sonini 61 taga etkazgan holda muddatidan oldin bosh sovrin egasiga aylanishdi.

Peterburgliklar o'z tarixida 8-marotaba ushbu titulni qo'lga kiritishdi.