Uayt Fyuri - Joshua jangini UFC’ning Oq uydagi turnirida elon qilmoqchi bo'lganini aytdi

"Biz bu jangni promousheni va tashkil etish bilan shug'ullanyapmiz. Uelsning Kardiff shahridagi “Prinsipaliti” stadionida bo'lib o'tadi va men u erda shaxsan ishtirok eta olishimdan xursandman. CHiptalar deyarli to'liq sotilib bo'lgan. Bugungi holatni hali tekshirmadim, ammo chiptalar savdosini boshlaganimizda 700 tadan kam chipta qolgandi. Bu deyarli stadion to'liq to'lganini anglatadi. Demak, odamlar bu jangga qiziqish bildirmoqda va unga befarq emas.

Men bu jangni Oq uydagi turnirda elon qilishni va ularning to'qnashuvini Nyu-Yorkda tashkil etishni xohlagandim. Ha, vaziyat chigallashdi. O'shandan beri juda ko'p voqealar yuz berdi. Mana, nihoyat, shu kunga ham etib keldik. CHiptalar sotuvga chiqarildi va yaxshi sotildi. Bu qiziq jarayon bo'ldi. Ammo boksga aralashishga qaror qilganimda, bunday holatlar yuz berishini bilardim.

Eshitinglar, agar sizlar Buyuk Britaniyadagi jangni hech qachon ko'rmagan bo'lsangiz, umuman olganda, u erdagi sport tadbirlari boshqacha bo'ladi. Bu Angliya tarixidagi og'ir vazndagi eng yirik jang. SHuning uchun uni jonli ravishda tomosha qilish haqiqatan ham alohida taassurot qoldirishiga ishonaman.

Bu shunchaki bir avlodning eng mashhur bokschilari nihoyat ringda to'qnash kelayotgan janglardan biri. Muxlislar ikkiga bo'linadi: bir tomonda Ey-Jey (Entoni Joshua) muxlislari, ikkinchi tomonda Fyuri muxlislari bo'ladi. Ishonchim komilki, o'sha kecha arenadagi muhit juda qaynoq bo'ladi. Bu juda qiziq.

Eshitinglar, Eddi Xirn bilan o'rtamizda qanday kelishmovchilik bo'lishidan qati nazar, Frenk Uorren ham bu jangni tashkil etishda ishtirok etyapti. Eng muhimi, chiptalar sotilib bo'ldi. Eddi jang Buyuk Britaniyada o'tkazilishi uchun qattiq turib oldi. Men esa uni “Medison Skver Garden”da tashkil etishga harakat qildim. Ammo jang Buyuk Britaniyada bo'ladi va 80 ming kishilik stadion to'ladi.

Aytganimdek, “Medison Skver Garden” Buyuk Britaniyadan samolyotda besh soatlik masofada, xolos. U erda ham chiptalar bir zumda sotilib ketardi va muhit xuddi shunday bo'lardi. Konor Makgregorning janglariga irlandiyaliklar qanday kelib tushishini ko'rganmisiz? Bu mutlaqo aqlbovar qilmas holat. Rikki Xattonning Las-Vegasdagi janglari ham juda shov-shuvli o'tgan. Buyuk Britaniya — sport uchun juda ajoyib va zavqli joy", — deya Uaytning so'zlarini keltiradi MMA Fighting nashri.