Uayt Striklendga javob qaytardi: "U yaqinda yangi shartnoma imzoladi"

Striklend liga hatto o'z yulduzlari va chempionlariga ham juda kam pul to'lashini va ular o'z vaqtida ketishga imkon topa olmasliklarini davo qilgan edi.

"Yo'q, men u bilan shaxsan gaplashdim. Ijtimoiy tarmoqlarda ko'rganlarim esa... SHon Striklend hech qachon biror narsadan norozi bo'lmagan yoki aytishga gapi bo'lmagan?", — dedi Uayt o'zining saralash turniridan keyingi matbuot anjumanida.

"SHon Striklend may oyida yangi shartnoma imzolagan, — deya qo'shimcha qildi Uayt, shu bilan shartlar yaxshilangani va u bunga rozi bo'lganini nazarda tutib. — Bu to'rt-besh oy oldin bo'lgan. U aytayotgan raqamlar haqiqatga to'g'ri kelmaydi. Agar u bir yoki ikki yil davomida o'sha eski shartlar asosida jang qilganida edi bu boshqa gap bo'lardi. Lekin u may oyida shartnoma imzoladi. Vaziyat shunday".

Striklend, shuningdek, aralash yakkakurashlar (MMA) bo'yicha mashg'ulotlarni tashlaganini va boks bo'yicha jang o'tkazmoqchi ekanligini malum qildi. Masalan, u katta pul evaziga "Zuffa Boxing" promouterlik kompaniyasida jang qilmoqchi.

Biroq, amaldagi shartnoma tufayli u buni faqat UFC ruxsati bilan amalga oshirishi mumkin. Uayt esa Striklendning boks ringidagi imkoniyatlariga nisbatan shubha bilan munosabat bildirdi.