Uch nafar kurashchi qizimiz Olimpiada licenzion turnirining 1/2 finalida!

Biroz avval ayollar kurashi bo'yicha Parij-2024 Olimpiadasi licenziyalari uchun kechayotgan musobaqaning saralash bahslari yakuniga etdi. Quvonarlisi, O'zbekiston ayollar terma jamoasining uch nafar kurashchisi saralash bosqichini muvaffaqiyatli yakunlab, 1/2 finalga yo'l oldi. 

SHu kungacha ayollar kurashida Olimpiadada ishtirok etmaganmiz. Bizning vaqt bilan soat 17:00da boshlanadigan 1/2 final bellashuvlarida g'alaba qozongan kurashchilar Parij-2024 Olimpiadasi licenziyasini qo'lga kiritadi. Aktenge Keunimjaeva, SHohida Ahmedova va Layloxon Sobirova ana shu tarixni yozish uchun gilamga chiqishadi.   

1/2 finalda kurashadigan qizlarimiz:

50 kg: Aktenge Keunimjaeva – Meng Hsuan Hsiex (Xitoy Taypeyi)

53 kg: SHohida Ahmedova – Pang Kinayu (Xitoy)

57 kg: Layloxon Sobirova – Anshu Anshu (Hindiston)

Qolgan kurashchi qizlarimiz Gulmira Aytmuratova (62 kg), Nabira Esenbaeva (68 kg) va  Svetlana Oqnazarova (72 kg) saralash bosqichida mag'lubiyatga uchrab, musobaqadagi ishtiroklarini yakunlashdi.