Uchta Olimpiadada ishlagan shifokorimiz hammasiga ulguryapti FOTOREPORTAJ

Avval xabar berganimizdek, O'zbekiston sport kurashlari associaciyasi mutasaddilari, murabbiylar, xodimlar o'z vazifalarini masofadan olib borishyapti. 

Ayniqsa, bunday sinovli kunlarda shifokorlarimizga katta masuliyat yuklanadi. Bejizga ularga nisbatan oq libosdagi farishtalar, kun qahramonlari tarif berilmayapti. Ular tunu kun hamyurtlarimizning salomatliklari haqida qayg'urishmoqda. 

Xususan, sport tibbiyoti shifokorlari ham shu kunlarda har doimgidan ikki hissa ko'p ishlashyapti. O'zbekiston sport kurashlari associaciyasi tomonidan telegramda maxsus sahifa ochilgan bo'lib, oliy hamda xalqaro toifadagi shifokorimiz, uchta Olimpiadada ishlashga muvaffaq bo'lgan Elena Abaeva kun davomida erkin, yunon-rim va ayollar kurashi bo'yicha terma jamoamiz azolari hamda nomzodlarining holatidan xabar bo'lib turadi. 

"Har bir sportchining qanday nafas olishigacha biz uchun muhim. Kurashchilarimizdan karantinga to'liq amal qilishlarini, har kuni ikki mahaldan tana harorati va yurak urish pulsini o'lchashlari hamda maxsus telegram kanalimizga jo'natishlarini talab qilamiz. Hech birimizning xotirjamlikka berilishga haqqimiz yo'q. Bundan tashqari, karantindan unumli foydlangan hold o'z bilimlarimizni oshib boryapmiz. Xorijdagi hamkasblarimiz bilan muloqot orqali fikr hamda tajriba almashyapmiz. Uy ishlari, badantarbiya mashqlari,  pishir-kuydir degandek, hammasiga ulguryapmiz", - deydi Elena Alekseevna.