UEFA mavsumning eng zo'r professional klubini aniqladi

Bilbaoning "Atletik" jamoasi UEFA (Grassroots Football Awards)ning mavsumdagi eng zo'r professional klubga beriladigan mukofotiga savozor bo'ldi. Bu haqda tashkilot sayti xabar bermoqda.

Qayd etilishicha, "Atletik" muhim ijtimoiy vazifalarni bajarmoqda. Xususan, klub o'rnatilgan tayyorlov tizimiga ega va yosh o'yinchilar bilan katta ish amalga oshiriladi.

Grassroots Football Awards mukofoti 2010 yildan beri aniqlab kelinadi. Davogarlar orasida Vengriyaning "Ferencvarosh" va Litvaning "Vilnyus" jamoalari bor edi.

Eng yaxshi havaskor klub mukofoti Belgiyaning "Ik Din" jamoasiga berildi.

Eslatib o'tamiz, "Atletik" Ispaniya chempionati turnir jadvalida sakkizinchi o'rinda bormoqda.