UFC sharhlovchisi Jo Rogan Donald Trampga javob qaytardi

Irqiy janjal o'chog'iga aylangan taniqli UFC sharhlovchisi Jo Rogan AQSHning sobiq prezidenti Donald Trampni kontekstdan olib tashlangan so'zlar uchun kechirim so'rashni bas qilishga undagan murojaatiga javob qaytardi.

"Agar biror narsadan afsuslansangiz, kechirim so'rashingiz kerak. Hech qachon kechirim so'ramaslik kerak degan fikr... Agar biror narsadan afsuslansangiz, kechirim so'rashning yomon jihati yo'q deb o'ylayman", - dedi Rogan The Hollywod Reporter'da.

Janjal sababi Jo Rogan podkastining parchalaridan yig'ilgan video bo'lib, u erda u "N harfi bilan so'z" deb nomlangan so'zni qayta-qayta takrorlaydi.

“Kimdir so'nggi 14 yil ichida bu so'zni aytganlarimni jamlab, YouTube'ga joylashtirdi va bu irqchilik kabi ko'rindi. Hatto o'zim uchun ham".

Avvalroq Rogan o'zining podkastining ushbu so'z eshitilgan barcha epizodlarini o'chirib tashlagan, omma oldida kechirim so'ragan, shuningdek, uning bayonotlari kontekstdan olib tashlanganini tushuntirgan.