10 iyu 14:03
Yangiliklar

Tennis

Uimbldon. Birozdan so'ng hamyurtimiz kortga chiqadi

SHu kunlarda dunyo tennis ommasining nigohi Londonda bo'lib o'tayotgan “Katta Dubulg'a” turkumiga kiruvchi Uimbldon turniriga qaratilgan.

Ushbu musobaqaning 18 yoshgacha o'smirlar o'rtasidagi musobaqasida hamyurtimiz Sergey Fomin ham ishtirok etyapti. Tennischimiz saralashning ikkinchi davrasida mag'lubiyatga uchragan bo'lsa-da, asosiy to'rga Lucky Looser sifatida yo'l olgandi.

Fomin asosiy to'rning ilk davrasida amerikalik Teyler Zinkka qarshi o'yin o'tkazdi va 1 soatu 21 daqiqada raqibini 6:4, 6:3 hisobida taslim etdi. Bugun Toshkent vaqti bilan soat 15:00da Sergey ikkinchi bosqich uchrashuvida braziliyalik Jilbert Suares Klierga qarshi kortga chiqadi.