"Uimbldon" finalchisi Netflix'ning hujjatli filmida suratga tushadi

Uning yulduzi "Uimbldon-2022" finalchisi, avstraliyalik tennischi Nik Kirgios bo'ladi, deya xabar beradi Herald Sun sharhlovchisi Fiona Byorn.

Hujjatli filmning qachon chiqishi hali nomalum, ammo bu 2023 yilda sodir bo'lishi taxmin qilinmoqda. Ko'plab kadrlar allaqachon suratga olingan. Qayd etilishicha, Kirgios Netflix uchun katta ahamiyatga ega, chunki ko'plab tomoshabinlar istedodli, oldindan aytib bo'lmaydigan va ekscentrik tennischini kortda va undan tashqarida tomosha qilishga qiziqishadi.

Britaniyaning The Sun nashri qo'shimcha qilishicha, serialning muhim qismi iyul oyida yakunlangan "Uimbldon-2022"da Kirgiosning yo'lini aks ettiriladi. Ushbu qismlar mashhur Netflix va Formula-1 prodyuserlari tomonidan ishlab chiqarilmoqda. "Survival drive" hujjatli filmni suratga olish bilan shug'ullanadi. 

Eslatib o'tamiz, "Uimbldon"ning hal qiluvchi o'yinida Kirgios serbiyalik Novak Jokovichga to'rt setda mag'lub bo'lgandi - 6/4, 3/6, 4/6, 6/7 (3/7). 27 yoshli Kirgiosning karerasida bu yakkalik bahslarida "Katta Dubulg'a"ning birinchi finali bo'ldi.