Ulug'bek Rashitov Rim Gran-Prisi chempioni!

Bugungi kun doirasida O'zbekiston terma jamoasining ikki nafar vakili - Ulug'bek Rashitov (-68 kg) va Nikita Rafalovich (+80 kg) ishtirok etishi haqida xabar bergan edik.

Quvonarlisi shundaki, har ikki vakilimiz birin-ketin raqiblarini enggan holda final jangiga etib keldi. Biroz avval Ulug'bek Rashitovning vengriyalik Mark Leventega qarshi final jangi yakunlandi. Unda Tokio-2020 Olimpiadasi g'olibi bo'lmish Ulug'bek Rashitov 2:0 hisobida g'alaba qozondi va Rim Gran-Prisi g'olibligini qo'lga kiritdi.

Birozdan so'ng, Nikita Rafalovich Buyuk Britaniya vakili Kaden Kunningemga qarshi final jangida dayanga ko'tariladi.

Eslatib o'tamiz, Rashitov avvalroq Bokuda (Ozarbayjon) bo'lib o'tgan kattalar o'rtasidagi jahon chempionatida bronza medalini qo'lga kiritgan edi.