US Open. Aleksandr Zverev ishtirokini yakunladi

Germaniyalik tennischi US Open 1/4 finalida ATP reytingida 12-o'rinni egallab turgan amerikalik Teylor Fritcga to'rt set natijasiga ko'ra imkoniyatni boy berib qo'ydi - 6/7(2), 6/3, 4/6, 6/7(3). Tennischilarning o'zaro o'ninchi uchrashuviga kelib muvozanat tiklandi - 5:5. 

Uch soatu 29 daqiqa davom etgan bahsda Zverev 14, Fritc 12 ta eys zarbani amalga oshirgan. Qo'shxatolar Teylorda ko'proq bo'ldi - 5 ga 4. Ikkala tennischi ham 2 tadan breyk qayd etdi. Fritc faoliyatida ilk bor "Katta Dubulg'a" turnirilari yarim finaliga chiqdi.