06 sen 12:13
Yangiliklar

Tennis

US Open. Anderson - ikkinchi yarim finalchi!

AQSHning Nyu-York shahrida o'tkazilayotgan “Katta Dubulg'a” turkumiga kiruvchi US Open turniri o'zining qizg'in pallasiga kirdi.

Musobaqaning erkaklar o'rtasidagi yakkalik bahslarida chorak final uchrashuvlari o'tkazilyapti. Birinchilardan bo'lib ispaniyalik Pablo Karreno-Busta yarim final yo'llanmasini qo'lga kiritgan edi. Hozirgina bu tennischining final ostonasidagi raqibi malum bo'ldi.

Ikkinchi chorak final juftligida dunyoning 21-raketkasi amerikalik Sem Kuerri reytingda 32-pog'onadan joy olgan Janubiy Afrika Respublikasi vakili Kevin Andersonga yutqazib qo'ydi. Uch soatu 26 daqiqa davom etgan bahsda Anderson 7:6(5), 6:7(9), 6:3, 7:6(7) hisobida zafar quchdi.