US Open. Erkaklar o'rtasidagi turnir g'olibi malum!

Hal qiluvchi final uchrashuvida sayyoramizning uchinchi raketkasi, avstriyalik Dominik Tim reytingning ettinchi pog'onasidan joy olgan germaniyalik Aleksandr Zverev o'zaro to'qnash kelishdi. Ayollar finalida bo'lgani kabi bu bahsda ham kambek amalga oshirildi. 

Dastlabki ikki setni boy bergan Dominik Tim yakunda final uchrashuvini o'z foydasiga hal qildi - 2/6, 4/6, 6/4, 6/3, 7/6(6). Final 4 soatu 1 daqiqa davom etgan. Dominik 8, Aleksandr 15 ta eys zarbasini amalga oshirgan. O'zaro uchrashuvlardagi hisob Tim foydasiga yanada yiriklashdi - 8:2. 

Dominik Tim ilk bor "Katta Dubulg'a" turniri chempioniga aylandi. Ushbu muvaffaqiyatli ishtirok avstriyalik raketka ustasiga 3,000,000 dollar mukofot puli hamda 2000 reyting ochkosini taqdim etdi. Zverev esa $1,500,000 va 1200 ochkoga ega bo'ldi.