08 sen 08:19
Yangiliklar

Tennis

US Open. Jokovich ikkinchi finalchiga aylandi

Nyu-York shahri mezbonligida o'tayotgan "Katta Dubulg'a" turkumiga kiruvchi AQSH Ochiq chempionati o'zining hal qiluvchi bosqichiga kirdi.

Erkaklar o'rtasidagi musobaqaning ikkinchi yarim finalida serbiyalik Novak Jokovich hamda yaponiyalik Kei Nishikori o'zaro to'qnash kelishdi. Ikki soatu 22 daqiqa davom etgan bahs yakunida Jokovich 6:3, 6:4, 6:2 hisobida zafar quchdi.

Taqqoslash uchun, Jokovich ATP reytingida 6, Nishikori esa 19-o'rinni egallab turibdi. Endi Novak bosh sovrin uchun bahsda Rafael Nadaldan ustun kelgan argentinalik Xuan Martin Del Potroga qarshi kortga chiqadi.