08 sen 10:27
Yangiliklar
Tennis
US Open turnirining ilk yarim finalchisi malum
Nyu-York shahri mezbonligida o'tayotgan tennis bo'yicha "Katta Dubulg'a" turkumiga kiruvchi AQSH Ochiq chempionati o'zining hal qiluvchi pallasiga kirdi.
Dunyoning ikkinchi raketkasi Daniil Medvedev erkaklar o'rtasidagi musobaqaning ilk yarim finalchisiga aylandi. Rossiyalik tennischi 2 soatu 23 daqiqa davom etgan bahsda reytingning 117-pog'onasidan joy olib turgan niderlandiyadik Botik Van de Zandshulpdan 6/3, 6/0, 4/6, 7/5 hisoblarida ustun keldi.
Uchrashuv davomida 25 yoshli Medvedev 13 ta, turnir kashfiyotiga aylangan Botik 4 ta eys zarbasini ijro etdi. Bu tennischilarning o'zaro o'tkazgan ilk uchrashuvi edi. Medvedevning yarim finaldagi raqibi kanadalik Feliks Oje hamda yana bir kashfiyot - ispaniyalik Karlos Alkaraz o'rtasida o'tkaziladigan bahs g'olibi bo'ladi.
Havola :
Manba : gotennis
Fikrlar