“Uyda qol – g'alaba qozon”: Bugun shaxmat bo'yicha onlayn musobaqaning ikkinchi turi boshlanadi

“Uyda qol – g'alaba qozon” shiori ostida tashkil etilgan shaxmat bo'yicha onlayn O'zbekiston musobaqasida qatnashish uchun shu kungacha 3 500 nafardan ortiq yurtdoshimiz CHESS.COM saytida “O'zbekiston Respublikasi Jismoniy tarbiya va sport vazirligi” https://www.chess.com/club/uzbekiston-respublikasi... sahifasi orqali ro'yxatdan o'tishgani haqida xabar bergandik. Biroq bu so'nggi chegara emas va musobaqada qatnashish istagidagi yurtdoshlarimiz bemalol, hozirning o'zidayoq yuqorida ko'rsatilgan manzil orqali ro'yxatdan o'tishlari va shaxmat bo'yicha onlayn O'zbekiston musobaqasiga qo'shilishlari mumkin.

Bugun, 10 avgust kuni ushbu onlayn musobaqaning ikkinchi turniriga start beriladi. Ikkinchi turnir o'yinlariga 19 avgustda yakun yasaladi.

Eslatib o'tamiz, har bir turnir yakuniga ko'ra eng kuchli 10 nafar shaxmatchi saralab olinadi. Ular esa joriy yilning 20 dekabrida Toshkentda o'tkaziladigan Grand Finalda qatnashish hamda musobaqa g'olibiga aylanib, Spark avtomobilini qo'lga kiritish uchun ajoyib imkoniyatga ega bo'lishadi. SHoshiling, imkoniyatni qo'ldan boy bermang. Karantin davrida shaxmat o'ynang hamda Yangi yilni yangi avtomobil bilan kutib oling!

O'yinlar har kuni Toshkent vaqti bilan soat 20:00da boshlanadi.

Barchaga omad tilaymiz!