​#uydaqol! #hayotgaqo'shil! chellenjida navbatdagi g'oliblar aniqlandi

3 avgustdan boshlangan chellenjda qatnashish orqali yurtdoshlarimiz nafaqat o'z salomatliklarini mustahkamlaydi, balki qimmatbaho sovg'alarni yutib olish imkoniyatiga ham ega bo'lishadi.

10-16 avgust kunlari oralig'ida o'tkazilgan #uydaqol! #hayotgaqo'shil! chellenjida yurtdoshlarimiz birinchi haftadan farqli o'laroq anchayin faol qatnashdi. Misol uchun, chellenjga sportsevar oilalar tomonidan 300ga yaqin videorolik yuborilgan bo'lsa, ularda 800 nafardan ortiq yurtdoshimiz o'z imkoniyatini sinab ko'rishdi. Yani, oilaviy chellenjda aksariyat yurtdoshlarimiz oila azolari bilan birga, kamida 3-4 kishi bo'lib qatnashmoqda. Bu esa tashkilotchilar birlamchi maqsadiga erishayotganini anglatadi. CHunki, #uydaqol! #hayotgaqo'shil! chellenjini tashkil etishdan ko'zlangan maqsad - unda yurtdoshlarimizning butun oila bo'lib ishtirok etishini taminlashdan iborat edi.

Etiborli tarafi, chellenjda Toshkent shahri ancha faol qatnashmoqda. Sababi, bu safar ham poytaxtliklar biryo'la ikkita sovrinni qo'lga kiritishdi.

Hakamlar hayati qarori bilan, chellenjda 1-o'rin Toshkent shahar Yunusobod tumani 14-dahada istiqomat qiluvchi Isaevlar oilasiga nasib etdi.

2-o'rinni ham Toshkent shahar Mirzo Ulug'bek tumanida istiqomat qiluvchi SHubinlar oilasi tomonidan tayyorlagan videorolik egalladi.

3-o'ringa bu safar Navoiy viloyati gimnastikaga ixtisoslashtirilgan bolalar-o'smirlar sport maktabining badiiy gimnastika bo'limi shug'ullanuvchisi Gulasal SHavqiddinova tomonidan yuborilgan videorolik munosib topildi.

CHellenj g'oliblari velotrenajyor bilan mukofotlanadi.

Siz ham #uydaqol! #hayotgaqo'shil! chellenjida faol ishtirok eting hamda qimmatbaho sovg'alarni qo'lga kiriting. Unutmang, chellenj   2020 yilning 15 dekabriga qadar davom etadi.