#uydaqol! #hayotgaqo'shil! #sportchallenge chellenji yakuniga etdi, tanlovga 20 mingdan ortiq yurtdoshimiz qamrab olindi

Karantin davrida yurtdoshlarimiz orasida uy sharoitida jismoniy tarbiya va sport bilan shug'ullanishni keng targ'ib etish maqsadida o'tkazilgan ushbu akciya vatandoshlarimiz tomonidan katta qiziqish bilan kutib olindi. Buni chellenjga yurtdoshlarimiz 10 mingdan ortiq videoroliklar yuborishganidan ham bilish qiyin emas.

CHellenj shartlariga ko'ra, yurtdoshlarimiz uy sharoitida va oila azolari davrasida jismoniy tarbiya va sport bilan shug'ullanishni targ'ib qilishlari kerak edi. Tanlovga kelib tushgan aksariyat videoroliklarda butun oila azolari qatnashganligini inobatga olsak, chellenjga kamida 20 ming, balki undan ham ko'proq yurtdoshlarimiz qamrab olindi.

Bugun yakunlangan chellenjning ikkinchi fasl so'nggi turiga ham mingga yaqin video kelib tushdi. Ular orasida Navoiy viloyati Nurota tumanida istiqomat qiluvchi Hayitovlar oilasi tomonidan yuborilgan videorolik ko'pchilikning hayratiga sabab bo'ldi. Unda 86 yoshli buvi hamda ularning 68 yoshli o'g'li va 63 yoshli kelini farzandlari-yu nabiralari bilan birga jismoniy tarbiya va sport bilan shug'ullanayotgani aks etgan.

Hakamlar hayati qaroriga ko'ra bu safar quyidagi roliklar g'oliblikka munosib ko'rildi:

1-o'rin: Toshkent shahar Mirobod tumanida istiqomat qiluvchi Ahmedbabaevlar oilasi;

2-o'rin: Navoiy viloyati Nurota tumani “Mustaqillik” mahallasida yashovchi Hayitovlar oilasi;

3-o'rin (ikkita): Toshkent viloyati Qibray tumanida istiqomat qiluvchi Normo'minovlar hamda Buxoro shahrida istiqomat qiluvchi Islomovlar oilasi.

#uydaqol #hayotgaqo'shil #sportchallenge chellenji yakuniga etgan bo'lsa-da, sport ixlosmandlari aslo zerikib qolishmaydi. Ertadan Jismoniy tarbiya va sport vazirligi tashabbusi bilan elon qilingan yangi akciya – shaxmat bo'yicha havaskorlar o'rtasida birinchi onlayn O'zbekiston chempionatiga start beriladi.

SHunday ekan, sport bilan o'yinda qoling!

Jismoniy tarbiya va sport vazirligi Matbuot xizmati