#uydaqol #hayotgaqo'shil #sportchallenge chellenjida bu safar kimlar g'olib bo'lishdi?

Bugun ushbu tanlovning ikkinchi fasl 1-turiga yakun yasaldi.

28 apreldan 3 maygacha davom etgan chellenjning 1-turiga yurtdoshlarimiz tomonidan mingga yaqin videomaterial kelib tushdi. Hakamlar hayati qaroriga ko'ra, tanlovda bu safar g'oliblar quyidagicha ko'rinish oldi:

1-o'rin: Toshkent shahri Sergeli tumanida istiqomat qiluvchi Uzakbergenovlar oilasi;

2-o'rin: Toshkent shahri Mirobod tumanida yashovchi Hotamqulovlar oilasi;

3-o'ringa biryo'la ikkita videorolik loyiq ko'rildi. Ularning dastlabkisi O'zbekiston paralimpiya terma jamoasi azosi, qashqadaryolik Ubaydullo Imomqulov bo'ldi.

CHellenjda o'ziga xos yondashuv bilan qatnashgan Namangan shahar 1-sonli bolalar va o'smirlar sport maktabi jamoasi videoroligi ham 3-o'ringa munosib ko'rildi.

Aziz yurtdoshlar, #uydaqol #hayotgaqo'shil #sportchallenge chellenjining ikkinchi fasli yakun topishiga sanoqli kunlar qoldi. SHunday ekan, tanlovda ishtirok etishga shoshiling. Axir karantinda sovg'a olish naqadar yoqimli.

Jismoniy tarbiya va sport vazirligi Matbuot xizmati