UzChess Cup. Barcha guruhlarda peshqadamga aylandik. To'rtinchi tur juftliklari va turnir jadvallari bilan tanishing

Ikkinchi bor tashkil etilayotgan UzChess Cup turniri Masters, Challengers va Futures guruhlarida o'tkazilmoqda. Kuchlilar jam bo'lgan Masters guruhining 4-turida 2,5 ochko bilan yakka peshqadam bo'lib olgan Nodirbek Abdusattorov 2 ochko bilan 2-o'rinni egallab turgan hindistonlik grossmeyster Arjun Ergaisiga qarshi qora donalarda o'ynayapti. 

Qo'shimcha ko'rsatkichlarga ko'ra 2 ochko bilan 3-o'rindan joy olgan Javohir Sindarov hindistonlik Rameshbabu Praggnanandhaga qarshi qora donalarda harakat qilmoqda. Rossiyalik jahon chempioni Yan Nepomnyashiy yana bir hind grossmeysteri Aravindh CHitambaram bilan hisob-kitob qilyapti. SHamsiddin Vohidov vengriyalik Richard Rapport bilan o'ynamoqda. 

UzChess Cup. Masters guruhi. 4-tur juftliklari

Rameshbabu Praggnanandhaa — Javohir Sindarov

Richard Rapport — SHamsiddin Vohidov

Arjun Erigaisi — Nodirbek Abdusattorov 

Aravindh CHitambaram — Yan Nepomnyashiy  

Nodirbek Yakubboev — Parham Maqsudu

Turnirning Challengers guruhida 3-turdan so'ng greciyalik Nikolas Teodorou, hamyurtimiz Muhiddin Madaminov, amerikalik Endryu Hong 2,5 tadan ochko jamg'arib, kuchli uchlikdan joy olishgan. Madaminov qo'shimcha ko'rsatkichlarga ko'ra 2-o'rinni egallab turibdi. To'rtinchi pog'onadagi shveciyalik Vitaliy Sivuk hisobida 1,5 ochko bor.

Biroz avval boshlangan 4-turning markaziy partiyasida Muhiddin Madaminov qora donalarda Nikolas Teodorouga qarshi bahs olib bormoqda. Omadsiz ishtirok etayotgan va 3 ta turda 0,5 ochkogina jamg'argan Gulruhbegim Tohirjonova 4-turda qora donalarda Ma Kun bilan o'ynayapti. Jahongir Vohidov ukrainalik shaxmat afsonasi Vasiliy Ivanchuk sinovidan o'tmoqda. 

UzChess Cup. Challengers guruhi. 4-tur juftliklari

Endryu Hong — Nijat Abasov

Vasiliy Ivanchuk — Jahongir Vohidov

Ma Kun — Gulruhbegim Tohirjonova 

Nikolas Teodorou — Muhiddin Madaminov 

Muhammadzohid Suyarov — Vitaliy Sivuk

Futures guruhida 2,5 ochko ega hamyurtimiz Ortiq Nig'matov turnir jadvalida yakka karvonboshi bo'lib turibdi. Bugun u 4-turda vengriyalik Robert Rakka qarshi oq donalarda o'ynayapti. Saidakbar Saydaliev ispaniyalik Alan Pichot, Humoyun Begmuratov rossiyalik Klementi Sichyov bilan munosabatlariga oydinlik kiritib olmoqda. 

UzChess Cup. Futures guruhi. 4-tur juftliklari

Saidakbar Saydaliev — Alan Pichot

Boris CHatalbashev — Abdimalik Abdisalimov  

Ortiq Nig'matov — Robert Rak

Evgeniy Alekseev — Saparmirat Atabaev

Humoyun Begmuratov — Klemeni Sichev