UzChess Cup. Birozdan so'ng shaxmatdagi o'zbek "El Klassiko"si boshlanadi (Juftliklar)

Ikkinchi bor tashkil etilayotgan UzChess Cup turniri Masters, Challengers va Futures guruhlarida o'tkazilmoqda. Kuchlilar jam bo'lgan Masters guruhining 2-tur markaziy uchrashuvi o'zbekistonlik grossmeysterlar Nodirbek Abdusattorov va Javohir Sindarov o'rtasida bo'lib o'tadi. Har ikki "brilliantimiz" 1-turda g'alaba qozongan edi. Nodirbek yana bir grossmeysterimiz SHamsiddin Vohidovni, Javohir esa jahon chempioni Yan Nepomnyashiyni mag'lubiyatga uchratgandi.  

UzChess Cup. Masters guruhi. 2-tur juftliklari

Rameshbabu Praggnanandhaa – SHamsiddin Vohidov

Javohir Sindarov – Nodirbek Abdusattorov

Richard Rapport – Yan Nepomnyashiy 

Arjun Erigaisi – Parham Magsudlu

CHithambaram Aravindh – Nodirbek Yakubboev

Turnirning Challengers guruhida ishtirok etayotgan Gulruhbegim Tohirjonova 2-turda qora donalarda ozarbayjonlik grossmeyster Nijat Abasovga qarshi bahs olib boradi. Jahongir Vohidov Enjryu Xong, Muhiddin Madaminov ukrainalik afsona Vastliy Ivanchuk, yosh shaxmatchimiz Muhammadzohid Suyarov esa Nikolas Teodorou bilan hisob-kitob qiladi. 

UzChess Cup. Challengers guruhi. 2-tur juftliklari

Endryu Xong – Jahongir Vohidov

Nijat Abasov – Gulruhbegim Tohirjonova

Vasiliy Ivanchuk – Muhiddin Madaminov

Ma Kun – Vitaliy Sivuk

Nikolas Teodorou – Muhammadzohid Suyarov

Futures guruhining 2-turida o'zbek derbisi kuzatiladi. Saidakbar Saydaliev grossmeysterimiz Abdimalik Abdisalimovga qarshi oq donalarda o'ynaydi. Humoyun Begmuratov Evgeniy Alekseev, grossmeysterimiz Ortiq Nig'matov Klementi Sichyov bilan munosabatlariga oydinlik kiritib oladi. 

UzChess Cup. Futures guruhi. 2-tur juftliklari

Saidakbar Saydaliev – Abdimalik Abdisalimov

Alan Pichot – Robert Rak

Boris CHatalbashev – Saparmirat Atabaev

Ortiq Nig'matov – Klementi Sichyov

Evgeniy Alekseev – Humoyun Begmuratov