UzChess Cup. Nodirbeklar bahsda kutilmagan natija, Sindarov Arjunga qarshi, 6-turning barcha natijalari bitta xabarda

FIDE Circiut uchun qimmatli reyting ochkolari o'ynalayotgan ushbu xalqaro turnirning 6-turida Nodirbek Abdusattorov biroz kutilmaganda yana bir grossmeysterimiz Nodirbek Yakubboevga imkoniyatni boy berib qo'ydi. Hindistonlik Rameshbabu Praggnanandha ham bu turda mag'lubiyat alamini totib ko'rdi. U oq donalarda o'ynaganiga qaramay, vengriyalik Richard Rapportga yutqazdi.   

Turning qolgan barcha partiyalarida durang natija qayd etildi. Javohir Sindarov dunyoning oltinchi raqamli shaxmatchisi Arjun Ergaisi bilan qora donalarda durang o'ynadi. Eronlik Parham Maqsudlu jahon chempioni Yan Nepomnyashiy bilan murosaga keldi. Biroz omadsiz o'ynayotgan SHamsiddin Vohidov hindistonlik Aravindh CHittambaram bilan ochkolarni bo'lishib oldi.  

Turnirning Challengers guruhi 6-turida o'ziga xos o'zbek derbisi kuzatildi. Gulruhbegim Tohirjonova qora donalarda Muhammadzohid Suyarov bilan durang o'ynadi. Peshqadam Nikolas Teodorou hamyurtimiz Jahongir Vohidovni taslim etdi. Muhiddin Madaminov qora donalarda Vitaliya Sivuk bilan murosaga keldi. 

Futures guruhining 6-turida peshqadam Ortiq Nig'matov g'alabaga erishdi. U angiyalik Alan Pichotdan ustun keldi. Saidakbar Saydaliev, Abdumalik Abdisalimov va Humoyun Begmuratov bu turda raqiblari bilan murosaga kelishdi.