UzChess Cup turniri ctart oldi. O'zbek derbisida Nodirbek g'olib, Javohir jahon chempionini mag'lub etdi

Ikkinchi bor tashkil etilayotgan UzChess Cup turniri Masters, Challengers va Futures guruhlarida o'tkazilmoqda. Kuchlilar jam bo'lgan Masters guruhida rossiyalik jahon chempioni Yan Nepomnyashiy, hindistonlik taniqli grossmeysterlar Aravindh CHitambaram, Rameshbabu Pragnanandha, Arjun Ergaisi, eronlik Parham Maqsudlu, o'zimizning grossmeysterlar Nodirbek Abdusattorov, Javohir Sindarov, Nodirbek Yakubboev va SHamsiddin Vohidov o'zaro bahs olib boryapti. 

FIDE Circiut uchun qimmatli reyting ochkolari o'ynalayotgan ushbu xalqaro turnirning 1-turida Nodirbek Abdusattorov oq donalarda SHamsiddin Vohidovni mag'lubiyatga uchratdi. Javohir Sindarov qora donalarda jahon chempioni Yan Nepomnyashiyni taslim etib, kichik shov-shuv sababchisiga aylandi. Nodirbek Yakubboev oq donalarda Arjun Ergaisiga yutqazib qo'ydi. Hindistonlik grossmeysterlar Aravindh CHitambaram va Rameshbabu Pragnanandha partiyasida kuchlar teng keldi. 

Turnirning Challengers guruhida ishtirok etayotgan Gulruhbegim Tohirjonova oq donalarda Jahongir Vohidov bilan durang o'ynadi. Grossmeysterimiz Muhiddin Madaminov ozarbayjonlik taniqli shaxmatchi Nijat Abasovni mag'lub etishni uddaladi. Yosh shaxmatchimiz Muhammadzohid Suyarov xitoylik grossmeyster Ma Kun bilan durang qayd eta oldi. 

Futures guruhining 1-turida ham o'zbek derbisi kuzatildi. Humoyun Begmuratov grossmeyster Ortiq Nig'matov bilan murosa ko'chasini tanladi. Saidakbar Saydaliev ham ilk turda durang o'ynadi. Grossmeysterlarimizdan biri Abdimalik Abdisalimov qora donalarda Robert Rak bilan ochkolarni bo'lishib oldi.