UzChess Cup. Uchinchi tur juftliklari va turnir jadvallari bilan tanishing

Ikkinchi bor tashkil etilayotgan UzChess Cup turniri Masters, Challengers va Futures guruhlarida o'tkazilmoqda. 

Kuchlilar jam bo'lgan Masters guruhining 3-turida qo'shimcha ko'rsatkichlarga ko'ra 1-o'rinni egallab turgan hindistonlik Arjun Ergaisi qora donalarda rossiyalik jahon chempioni Yan Nepomnyashiyga qarshi bahs olib boradi. Arjun singari 1,5 ochkoga ega Javohir Sindarov o'zbek derbisida SHamsiddin Vohidovni sinovdan o'tkazadi. Nodirbek Abdusattorov bu turda Richard Rapport bilan hisob-kitob qiladi. Ikkinchi turdan keyin barcha shaxmatchilar ochko yo'qotib ulgurishdi. 

UzChess Cup. Masters guruhi. 3-tur juftliklari

Nodirbek Yakubboev — Rameshbabu Praggnanandhaa

Parham Maqsudu — CHithambaram Aravindh

Yan Nepomnyashiy — Arjun Erigaisi

Nodirbek Abdusattorov — Richard Rapport

SHamsiddin Vohidov — Javohir Sindarov

Turnirning Challengers guruhida ishtirok etayotgan Gulruhbegim Tohirjonova 3-turda oq donalarda ukrainalik shaxmat afsonasi Vasiliy Ivanchuk sinovidan o'tadi. Bu guruhda qo'shimcha ko'rsatkichlarga ko'ra peshqadamlik qilayotgan grossmeysterimiz Muhiddin Madaminov xitoylik taniqli grossmeyster Ma Kunga qarshi oq donalarda o'ynaydi. Jahongir Vohidov ozarbayjonlik grossmeyster Nijat Abasov, Muhammadzohid Suyarov esa Endryu Hong bilan hisob-kitob qiladi. 

UzChess Cup. Challengers guruhi. 3-tur juftliklari

Muhammadzohid Suyarov — Endryu Xong

Vitaliy Sivuk — Nikolas Teodorou

Muhiddin Madaminov — Ma Kun

Gulruhbegim Tohirjonova — Vasiliy Ivanchuk

Jahongir Vohidov — Nijat Abasov

Futures guruhining 3-turida o'zbek derbisi kuzatiladi. Humoyun Begmuratov va Saidakbar Saydaliev o'zaro taxtadagi munosabatlariga oydinlik kiritib olishadi. Ikkala uchrashuvda ham g'alaba qozongan turkmanistonlik Saparmirat Atabaev 3-turda grossmeysterimiz Ortiq Nig'matovga qarshi bahs olib boradi. 

UzChess Cup. Futures guruhi. 3-tur juftliklari

Humoyun Begmuratov — Saidakbar Saydaliev

Klemeni Sichev — Evgeniy Alekseev

Saparmirat Atabaev — Ortiq Nig'matov

Robert Rak — Boris CHatalbashev

Abdimalik Abdisalimov — Alan Pichot