Uzoq kutilgan kun keldi! "Humo" bugun o'z uyi - "Humo Arena"da o'ynaydi

Bu safar toshkentliklar o'z arenalarida "Aktobe" klubini qabul qilishadi. Ikkala kungi o'yinlar ham soat 19:30 da boshlanadi.

Ahamiyatlisi, jamoa katta tanaffusdan so'ng yana "Humo Arena"ning asosiy muzida o'yin o'tkazadi. Bungacha "qanotlilar" raqiblarini kichik arenada qabul qilib kelishayotgandi. 

Jamoalar hozirga qadar o'n marotaba o'zaro bahs olib borishgan bo'lib, 6 tasida "Humo", 4 tasida "Aktobe" zafar quchgan.

Malumot o'rnida, "Humo" Qozog'iston chempionatining joriy yilgi mavsumida hozircha 16 ta o'yindan keyin 21 ochko bilan 6, "Aktobe" esa 14 ochko bilan 9-o'rinni egallab turibdi.