V Islom birdamligi o'yinlari: delegaciyamiz uchun barcha sharoitlar yaratilgan

Tashrifning ilk kunidan hukumat vakillari, O'zbekiston Respublikasi sportni rivojlantirish vazirligi va Milliy Olimpiya qo'mitasi mutasaddilaridan tashkil topgan shtab o'z ishini boshladi.

Dastavval shtab tomonidan yig'ilish o'tkazilib, unda sport musobaqalarining kun tartibi, sportchilarning salomatligi va shu kabi masalalar muhokama qilindi.

24 ta sport turida o'z mahoratlarini ko'rsatish uchun tashrif buyurgan 265 nafar sportchilarimiz ayni kunlarda musobaqalarga qizg'in tayyorgarlik ko'rishmoqda. Bu borada Konya shahrida ular uchun yaratilgan shart-sharoitlar ham alohida ahamiyatga ega.

Xususan, O'zbekiston delegaciyasi azolari uchun Olimpiya shaharchasida tashkil etilgan tibbiyot punktlarida ham barcha zarur sharoitlar yaratilgan. Qolaversa, har bir sportchining salomatligini nazorat qilib turish shtab faoliyatining asosiy vazifalaridan biri etib belgilandi. Buning uchun tibbiyot punktlari zarur texnik jihozlar va dori-darmonlar bilan to'liq taminlangan.

Qayd etib o'tamiz, V Islom birdamligi o'yinlari 9 avgustda rasman ochiladi.