Vazir va uning o'rinbosarlari tomonidan hududlarda o'rganish ishlari davom etmoqda

Tashrifning birinchi kuni Andijon, Namangan va Farg'ona viloyatlarining sport sohasi vakillari bilan ZOOM platformasi orqali yig'ilish o'tkazilib, bir qator muhim vazifalar to'g'risida ko'rsatmalar berildi. 

Yig'ilishdan so'ng, viloyatda sport sohasida amalga oshirilayotgan ishlar hamda yoshlarga yaratilgan sharoitlar bilan tanishildi. Xususan, Farg'ona shahridagi suv sport turlariga ixtisoslashtirilgan sport maktabi hamda unga qarashli sport inshootlari ko'zdan kechirildi.

Bundan tashqari, Farg'ona shahrida yangi barpo etilayotgan Gimnastika markazining qurilish jarayonlari hamda Futbol akademiyasining ish faoliyati, Investiciya davlat dasturi doirasida qurilishi rejalashtirilgan futbol maydoni loyihasi bilan tanishildi.

Farg'ona olimpiya va paralimpiya sport turlariga tayyorlash markazida mahalliy byudjet mablag'lari hisobidan barpo etilayotgan oshxonaning qurilishi jarayonlari bilan tanishildi.

SHuningdek, Quvasoy shahar 1-2-son sport maktablarida hamda Farg'ona tuman 1-son sport maktablarida amalga oshirilayotgan ishlar hamda sportchilarga yaratilayotgan sharoitlar bilan ham tanishildi.

O'rganish ishlari davom etmoqda.