Velosport: O'zbekiston kubogi musobaqasi yakunlandi

Musobaqada Toshkent shahri, Toshkent viloyati, Farg'ona, Namangan, Andijon, Sirdaryo, Samarqand va Xorazm viloyatlaridan kelgan 60 nafarga yaqin erkak va 9 nafar ayol velosportchilar ishtirok etishdi.

Qizlar o'rtasidagi 21 km masofadagi guruh poygalarida barcha raqiblarini 30.16 soniyalik natija bilan ortda qoldirgan SHahnoza Abdullaeva 1-o'rinni egalladi. Erkaklar o'rtasidagi 124 km masofadagi guruh poygalarida esa Akrom Sunnatov 2:52.53 soniyalik natijasi bilan barcha raqiblarini ortda qoldirib, O'zbekiston kubogi sohibiga aylandi.

Eslatib o'tamiz, musobaqaning 1-bosqichida erkaklar jamoaviy, ayollar juftlik poygalarida ishtirok etishgan edi. Unda jamoaviy poygalarda Dilmurod Siddiqov, Begzod Rahimboev, Dmitriy Bocharov, Javlon Nurmatovlar 1-o'rinni egallashgandi. Juftlik poygalarida esa Renata Boymetova va SHahnoza Abdullaevalar g'alaba qozongan edi.

Musobaqa yakunida g'olib va sovrindorlar kubok, diplom va esdalik sovg'alari bilan taqdirlandi.