04 iyu 13:49
Yangiliklar

Velosport

Velotrek bo'yicha O'zbekiston chempionatida g'oliblar aniqlandi

Teglar : Velotrek

Respublika velotrek o'quv-mashq markazida 18 yoshgacha bo'lgan yigit-qizlar o'rtasida velotrek yo'nalishi bo'yicha O'zbekiston chempionati yakunlandi.

Musobaqaning so'nggi kunida yigitlar «Omnium-1», 21 aylana skretch guruh poygasida o'zaro raqobatlashdi. Unda Alimardon Jamoliddinov 40 ochko bilan g'alaba qozongan bo'lsa, qizlar o'rtasidagi «Omnium-1», 15 aylana skretch guruh poygasida Samira Ismoilova ham 40 ochkoga ega chiqqan holda, mamlakat chempioniga aylandi.

«Omnium-2», 18 aylana tempo guruh poygasida Alimardon Jamoliddinov oltin medalni qo'lga kiritgan bo'lsa, «Omnium-2», 12 aylana tempo guruh poygasida Samira Ismoilova g'olib bo'ldi. SHuningdek, «Omnium-3», chiqarib yuborish guruh poygasida Behzod Nurmatov va Arina Makarkinaga teng keladigani topilmadi.

«Omnium-4» yo'nalishida yigitlar 48, qizlar esa 36 aylana guruh poygasida kuch sinashdi. Unda Alimardon Jamoliddinov 165 ochko bilan mamlakat chempioniga aylangan bo'lsa, Samira Ismoilova 145 ochko jamg'arib shohsupaning eng yuqori pog'onasidan joy oldi.

Velotrekning keyrin bahslarida Samandar Rajabboev va Alina Bakcheeva oltin medal bilan taqdirlandi.