Ven Jun rapidda ham jahon chempioni, Tohirjonovachi?

Umumiy mukofot jamg'armasi 1 150 000 AQSH dollarini tashkil qiluvchi jahon chempionatining rapid yo'nalishida kecha bir nechta tur uchrashuvlari o'tkazildi hamda g'olib va sovrindorlar nomi malum bo'ldi. Bahslarda yagona vakilamiz xalqaro ayollar grossmeysteri Gulruhbegim Tohirjonova ham ishtirok etdi. 

Tohirjonova so'nggi 12-turda oq donalarda harakat qildi va rossiyalik raqibasi Ekaterina Kabanovani mag'lubiyatga uchratdi. Ushbu g'alabadan so'ng shaxmatchimiz 12 imkoniyatdan 7 ochko jamg'ardi va jahon chempionatining rapid bahslarini qo'shimcha ko'rsatkichlarga ko'ra 34-o'rinda yakunladi. 26-pog'onadagi rossiyalik Evgeniya Ovod ham Gulruhbegim singari 7 ochko jamg'ardi. 

O'n ikki imkoniyatdan 10 ochko jamg'argan xitoylik xalqaro grossmeyster, amaldagi jahon chempioni Ju Ven Jun rapid, yani tezkor shaxmat bo'yicha ham jahon chempionlik unvonini rasmiylashtirdi. Tohirjonova bir oy oldin o'tkazilgan jahon chempionatining chorak finalida aynan Ven Junga tay-brekda imkoniyatni boy bergan edi. 

Peshqadamdan bir ochkoga ortda qolib ketgan eronlik Sarasadat Xademalsharex va rossiyalik Aleksandra Goryachkina kuchli uchlikdan joy olishdi.