Vohada eng kuchli badmintonchilar saralandi + FOTO

O'zbekiston Respublikasi Prezidentining “Jismoniy tarbiya va ommaviy sportni yanada rivojlantirish chora-tadbirlari to'g'risida”gi qarori ijrosini taminlash maqsadida Urganch shahridagi Sport o'yinlari va engil atletikaga ixtisoslashtirilgan bolalar-o'smirlar sport maktabining “Badminton markazi”da 2009-2010 yillarda tug'ilgan o'g'il va qizlar hamda kattalar o'rtasida Xorazm viloyati birinchiligi o'tkazildi.

Musobaqada Urganch shahri, Bog'ot, Hazorasp, Xonqa, Xiva, Yangiariq, Qo'shko'pir, Urganch va Yangibozor tumanlaridan kelgan 100 nafarga yaqin badminton ustasi yakkalik bahslarda kuch sinashdi.  

Quyidagi qatnashchilar o'zlarining yosh toifalari bo'yicha viloyat chempionligini qo'lga kiritishdi:

2009-2010 yillarda tug'ilgan  o'g'illar: 1-o'rin. Rahmatulla Rahmatullaev (SO'EAIBO'SM).

2009-2010 yillarda tug'ilgan  qizlar: 1-o'rin. Dilnura Quronboeva (Xonqa tumani).

Erkaklar: 1-o'rin. G'affor Jabborov (SO'EAIBO'SM).

Ayollar: 1-o'rin. Aziza Masharipova (SO'EAIBO'SM).

Umumjamoa hisobida  birinchi o'rinnni Sport o'yinlari va engil atletikaga ixtisoslashtirilgan bolalar-o'smirlar sport maktabi jamoasi egalladi. Ikkinchi o'rindan Urganch olimpiya va milliy sport turlari bo'yicha davlat ixtisoslashtirilgan maktab-internati sportchilari joy olgan bo'lsa, faxrli uchinchi o'rin Urganch davlat universiteti badmintonchilariga nasib etdi.

Birinchilikning yopilish marosimida qatnashgan Xorazm viloyati Jismoniy tarbiya va sport boshqarmasi boshlig'i Nodira Jumaniyazova, O'zbekiston kasaba uyushmalari jismoniy tarbiya va sport boshqarmasining Xorazm viloyati vakili SHokir Madaminov, O'zbekiston badminton federaciyasi viloyat bo'limi ijrochi direktori Sobirjon Asqarov, SO'EAIBO'SM direktori Jamoladdin Abdullaevlar g'olib va sovrindorlarni qutlashdi.  

Ikrom XUDOYBERGANOV, Urganch shahridan