Vohada eng kuchli kartingchilar aniqlandi + FOTO

Buning barobarida, yoshlarni jismonan va manan sog'lom ruhda tarbiyalashga jiddiy etibor qaratilayotir.

SHubhasiz, Urganch tumanidagi o'quv-mashq maydonida sportning karting turi bo'yicha o'smirlar o'rtasida o'tkazilgan Xorazm viloyati chempionati ham ana shu ezgu ishlarning ushalishiga xizmat qiladi.

O'zbekiston Respublikasi mudofaasiga ko'maklashuvchi “Vatanparvar” tashkiloti Xorazm viloyati kengashi hamda viloyat texnik va amaliy sport turlari markazi (VTAST) tomonidan uyushtirilgan mazkur musobaqada vohaning sakkizta jamoasining 7 yoshdan 18 yoshgacha bo'lgan iqtidorli kartingchilari g'oliblik uchun startga chiqishdi.

Yakuniy natijalarga ko'ra, dvigatel sig'imi 50 santimetr kub bo'lgan karting birinchiligida Xiva tumani o'quv sport texnika klubi (O'STK) azosi Doniyorbek Ro'zmetov musobaqada ilk marta ishtirok etishiga qaramay, Xorazm viloyati chempioni nomiga sazovor bo'ldi. CHempionatda qatnashgan yagona qiz, o'n uch yoshli Angel Lucenko ham mahoratli kartingchi ekanligini yana bir bor isbotlab berdi.