Volkan Ozdemir: "Bu mening oqshomim bo'ladi"

Oqshomning asosiy kardida hamyurtimiz Bogdan Guskov SHveycariya vakili Volkan Ozdemirga qarshi oktagonga ko'tariladi. Aslida Ozdemir UFC Fight Night 226 turnirida rossiyalik Azamat Murzakanovga qarshi jang qilishi kerak edi. 

"Menejerim menga bu yigit (Azamat Murzakanov nazarda tutilgan, - tahririyat) jarohat olganini aytgandi. Raqib topilishi uchun vaqt kerak bo'ldi va shu sababdan bir necha kun sukut saqlab turdim. Ammo mashg'ulotlar reja asosida davom etdi. Boshqa narsa haqida o'ylamasligim kerak edi. Menejerimga UFC vakillari Parijda kardga kiritilgan 15 jangchidan boshqa hech kim qolmadi deb aytishdi. 

Lekin umidni uzmadim, chunki Parijda jang qilish mening eng katta orzularimdan biri edi. SHunda UFC rasmiylari "agar chindan ham jangni saqlab qolishimizni istasang, u holda yangi bola bilan shartnoma imzolashimiz kerak bo'ladi" deyishdi. Bu taklifga o'ylab o'tirmay "ha" deb javob berdim. Sababi, bu harakatlarning bari men uchun qilinayotgandi. 

Qarshimda kim turishini menga qizig'i yo'q, chunki bu mening oqshomim bo'ladi", — deya Ozdemirning so'zlarini keltiradi Cageside Press.

Olamsport.com saytining UFC jangchisi Bogdan Guskov bilan intervyusini tomosha qiling