VXL. Bugun "Humo" o'ynaydi

Bu safar xokkeychilarimizga Tverning "Dinamo" jamoasi raqiblik qiladi. Qayd etish lozimki, ushbu o'yin "Humo" uchun Oliy xokkey ligasi chempionati doirasida ushbu mavsumdagi so'nggi uy uchrashuvi bo'ladi. Keyingi uchta o'yinni jamoamiz safarda o'tkazadi. Ushbu o'yinlar yakuniga etgach, "Humo" pley-off bosqichida o'yinlar o'tkazishi mumkin bo'ladi. 

Bugun "Dinamo"ga qarshi bahs soat 19:30da boshlanadi. Ungacha esa "Humo Arena"da ko'ngilochar dasturlar namoyish etiladi. Ushbu tadbirlar soat 19:00da boshlanishi ko'zda tutilgan. O'yin davomida muxlislar o'zlari bilan yumshoq o'yinchoqlar olib kelishlari va belgilangan vaqtda uni muzga uloqtirishlari mumkin bo'ladi. O'yinchoqlar va bugungi o'yin chiptalari sotuvidan tushgan mablag' ayni paytda aziyat chekayotgan hasta bolakaylarga tuhfa etiladi. Demak xayrli ishga o'z hissangizni qo'shing va "Humo Arena"ga tashrif buyuring.