WBA Asia East kamari sohibi Mirzakamol Nematov Erevanda ringga chiqadi

Super yarim o'rta vazn toifasida o'z janglarini o'tkazib kelayotgan charm qo'lqop ustamiz 20 oktyabr kuni o'ziga tegishli bo'lgan WBA Asia East kamarini himoya qiladi. Uning raqibi rossiyalik Aslanbek Kozaev (34-3-1, 8 KO) bo'ladi. 

Ayni kunlarda Nematov Rossiyada bo'lajak jangiga tayyorgarlikni davom ettirmoqda. U bilan birga yana bir charm qo'lqop ustamiz Bahromjon Fozilov ham mashg'uotlarda ishtirok etyapti.   

Malumot uchun, Mirzakamol Nematov so'nggi jangini shu yilning iyul oyida Toshkentda tashkil etilgan prof boks kechasi doirasida sobiq jahon chempioni Julius Indongoga qarshi o'tkazgandi. 

Sobiq WBA (2017), IBF va IBO (2016-2017) yo'nalishlari chempioniga qarshi jang to'liq davom etgan va yakunda hakamlarning qarorlariga ko'ra hamyurtimiz g'alaba qozongandi. Bu g'alaba orqali Mirzakamol vakant bo'lib turgan WBA Asia kamariga ega chiqqandi.