WBC bilan hamkorlik, Toshkentda o'tadigan boks oqshomi va PBFning asosiy maqsadi haqida - Professional boks federaciyasi raisi bilan intervyu

Tashkilotning asosiy maqsadi haqida

Professional boksni O'zbekistonda targ'ib qilish, rivojlantirish, shuningdek, hakamlik masalalari, murabbiylar va professional bokschilarni etishtirib chiqarishga masul tashkilot hisoblanadi.

Bu vazifalarni amalga oshirish biz turli tashkilotlarni azolikka jalb etamiz. Masalan, bizda promouterlik kompaniyalari bor. Ularning asosiy vazifasi boks musobaqalarini tashkil etish.

PBF esa promouterlik kompaniyalarini ro'yxatga olish, ularga ruxsatnoma berish, kompaniya tashkil etayotgan musobaqa reglament asosida o'tishini nazorat qilish uchun supervayzer jo'natadi. Bundan tashqari bu musobaqalarga hakamlar etkazib berish ham bizning zimmamizda.

WBC bilan hamkorlik haqida

PBF ish boshlashi bilanoq dunyoning eng nufuzli beshta boks tashkiloti (WBC, WBA, WBO, IBF, IBO) bilan hamkorlik qilishni o'z oldiga maqsad qilib qo'ygan. Xabaringiz bor, WBC mazkur beshta tashkilot orasida eng nufuzli va yoshi katta tashkilot hisoblanadi.

PBFning birinchi vice-prezidenti G'ofur Rahimovning WBC tashkiloti prezidenti Maurisio Suleyman bilan ko'p yillik do'stona aloqalari bor. Tashkilotda ish boshlaganimizdan keyin dastlabki kunlardayoq WBC rahbariyati bilan bog'landik, muzokaralar o'tkazdik va xatlar yubordik. Natijada federaciya WBCning to'laqonli azosiga aylandi.

Hamkorlik dastlabki mevasi sifatida 11-avgust kuni Toshkentda hakamlar uchun tashkil etilgan seminarni aytishim mumkin. Bu seminarga WBC tomonidan ikki nafar mutaxassis yuborilgan — italiyalik mashhur referi Guido Kavaleri va WBCning rasmiy vakili latviyalik Oksana Semenishina.

Faqat bu bilan cheklanib qolmay boshqa tashkilot bilan ham hamkorlikni yo'lga qo'yishni maqsad qilganmiz. Keyingisi WBA bo'ladi, ushbu tashkilotning ham azosiga aylanishni istaymiz.

Federaciya qanday moliyalashtirilishi haqida

Federaciya to'liq azolik badali va homiylardan tushadigan mablag'lar hisobiga moliyalashtiriladi.

Promoushen kompaniyalari haqida

Bokschi qanchalik yaxshi va potenciali Jahon chempionligini qo'lga kiritishgacha etarli bo'lmasin, agar promouteri kuchsiz bo'lsa hech qachon u bokschini jahon chempioni qila olmaydi. CHunki reytingni ko'tarish va undan keyin titul janglarini o'tkazish darajasiga etib borishda asosiy rolni promouterlar o'ynaydi.

Federaciyaning ham asosiy vazifalaridan biri mamlakatda kuchli promouterlik kompaniyalarini ko'paytirish.

13 avgust kungi boks kechasi haqida

Bizning federaciya bilan hamkorlik qilayotgan LIFT promouterlik kompaniyasi 13 avgust kuni “Humo Arena”da professionl boks oqshomi tashkil etmoqda. Bu musobaqada uch nafar Olimpiya chempionlari qatnashadi: G'azliddin G'oibnazarov, SHahobiddin Zoirov va Ebert Konseysao.

SHuningdek, bu musobaqada reyting janglaridan tashqari O'rta Osiyo chempionligi. 13 avgustda chorak final bahslari bo'lib o'tadi, yarim final oktyabr oyiga rejalashtirilyapti, final esa dekabrda bo'lib o'tadi.