WBC reytingi. Azizbek 2, Qudratillo 6, Isroil 26 va boshqa bokschilarimizning o'rni

WBC boshqa tashkilotlardan farqli ravishda kuchli 15 bokschini emas, 40 nafar charm qo'lqop ustasi reytingini elon qiladi. 

Kuni kecha elon qilingan reytingdan 7 nafar o'zbekistonlik bokschi o'rin olgan. 

Birinchi o'ta engil vazn toifasida (-48,9) Hasanboy Do'smatov 31-pog'onaga joylashdi.

Birinchi yarim o'rta vazn toifasida (-63,50 kg) faoliyatini davom ettirayotgan SHohjahon Ergashev WBC reytingida 32-pog'onadan joy olgan. Yana bir charm qo'lqop ustamiz Anvar Turopov esa 40-pog'onaga joylashgan. 

Yarimo'rta vazn toifasida janglarda ishtirok etadigan Qudratillo Abduqahhorov (-66,67 kg) sakkizinchi o'rindan oltinchi o'ringan ko'tarilgan.

Birinchi o'rta vazn toifasida (-69,8 kg) WBA Intercontinental chempionlik kamari sohibi bo'lib turgan charm qo'lqop ustamiz Isroil Madrimov yangilagan reytingning 26-pog'onasidan joy olgan. 

Ikkinchi o'rta vazn toifasidagi Azizbek Abdug'ofurov (-76,2 kg) esa ikkinchi o'rinda qolgan. Eslatib o'tamiz, Azizbek ayni paytda WBC Silver kamari sohibi hisoblanadi. Mazkur vaznda shuningdek Bektemir Meliqo'ziev 38-pog'onaga joylashgan.

Superog'ir vazn toifasida Bahodir Jalolov esa TOP-40ni tark etgan. U avvalroq Olamsport.com saytiga bergan intervyusida hozircha prof boksda jang o'tkazmasligini, asosiy etiborini Olimpiya o'yinlaridagi ishtirokka qaratishini malum qilgandi. Professional ringda jang o'tkazmaganligi sabab Jalolov ushbu reytingni tark etgan. 

Eslatib o'tamiz, bir necha kun oldin WBA reytingi ham elon qilingandi.