03 июл 11:11
Янгиликлар
Бокс/ММА
WBA рейтинги. Шаҳрам Шоҳжаҳондан олдинга ўтиб олди
Куни кеча Бутунжаҳон бокс ассоциацияси (WBA) боксчиларнинг янгиланган рейтингини эълон қилди.
Унга кўра, рейтингдан олти нафар ўзбекистонлик боксчи ўрин олган.
Эълон қилинган рейтингда Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек IBF йўналиши чемпиони ҳам ҳисобланади.
Биринчи ярим ўрта вазн тоифасида (-63,5 кг) икки боксчимиз ўрин алмашган. Шаҳрам Ғиёсов еттинчи ўриндан олтинчи ўринга кўтарилган. Шоҳжаҳон эса мос равишда олтинчи ўриндан еттинчи поғонага тушган.
Биринчи ўрта вазн (-69,85 кг) тоифасида Исроил Мадримов эса иккинчи ўринда турибди.
Иккинчи ўрта вазн тоифасидаги боксчимиз Бектемир Мелиқўзиев (-76,2 кг) эса 15-ўриндан 14-ўринга кўтарилган.
Яримоғир вазн тоифасида (-79,3 кг) Рустам Тўлаганов ҳам ТОП-15даги ўрнини сақлаб қолган - 15-ўрин.
Ҳавола :
Манба : olamsport.com
Фикрлар