WhoScored: "Verona" - "Jenoa" o'yini uchun SHomurodovga nechi ball qo'yildi?

Futboldagi statistika bilan shug'ullanuvchi taniqli WhoScored portali "Verona" - "Jenoa" o'yini uchun futbolchilarga baho berdi. SHomurodov esa asosiy tarkibda maydonga tushgan futbolchilar ichida pastroq baho oldi (6,3), ammo qolgan o'yinchilar bilan ballar bir-biriga yaqin.

Hamyurtimiz asosiy tarkibda maydonga tushdi va 63-daqiqada o'z o'rnini Skamachchaga bo'shatib berdi. SHomurodov bu vaqt davomida darvoza tomon zarba bermagan bo'lsa ham, o'yinda "yo'qolib qolmadi" va faol o'ynashga harakat qildi. O'yindagi ustunlik esa "Verona" tarafida bo'ldi, ammo "Jenoa" posboni Mattia Perin bir necha bor ajoyib seyvlar ijro etdi. Yakuniy hisob esa 0:0.