WR Chess jahon chempioni unvonini himoya qildi, O'zbekiston qanday natija qayd etdi?

Umumiy mukofot jamg'armasi yarim million evroni tashkil qilgan va dunyoning 55 jamoasi ishtirok etgan ushbu nufuzli musobaqada O'zbekiston terma jamoasi ham kuchli tarkibda yurtimiz sharafini himoya qildi. Hamyurtlarimiz rapid bahslarida qo'shimcha ko'rsatkichlarga ko'ragina 4-o'rinni egallagandi. 

Kecha yakunlargan blic, yani tezkor shaxmat yo'nalishida ham shaxmatchilarimiz 4-o'rinni band etishdi. O'zbekiston terma jamoasi saralash bosqichidagi 12 ta uchrashuvning barida g'alaba qozonib, 24 ochko bilan S guruhi g'olibi sifatida pley-offga yo'l olgandi. 1/8 finalda D guruhida 4-o'rinni egallagan Qozog'istonning Barys.kz jamoasi ikki o'yin natijasiga ko'ra taslim etildi. CHorak finalda Nihal Sarin boshchilgidagi Isroilning Ashdod Elit Chess Club jamoasidan ustun (3:3, 5:1) keldik. 

Afsuski, 1/2 finalda ustunlikka ega bo'lsak-da, Aleksandr Grishuk boshchiligidagi Qozog'istonnig KazChess jamoasiga yutqazib qo'ydik. Birinchi bahsda 3:3 hisobidagi durang qayd etildi. Ikkinchi bahsda 4:2 hisobida qo'shnilarimiz zafar quchib, finalga yo'l olishdi. Uchinchi o'rin uchun kechgan uchrashuvda esa Levon Aronyan, Anish Giri, Vidit Gujrathi, amaldagi chempion Volodar Murzin singari taniqli grossmeysterlar jam bo'lgan Hexamind jamoasiga har ikki o'yinda ham 2,5:3,5 hisobida yutqazib, 4-o'rin bilan kifoyalandik. 

SHu tariqa, O'zbekiston terma jamoasi har ikki yo'nalishdagi jahon chempionatini 4-o'rinda yakunladi. Rapid bahslaridan 30 000, blic yo'nalishidagi ishtirokimizdan esa 50 000 evro, umumiy 80 000 evro mukofot puli ishlab oldik. Finalda KazChess jamoasini mag'lubiyatga uchratgan WR Chess Team jamoasi blic bo'yicha jahon chempionlik unvonini himoya qildi. 

G'olib va sovrindorlar hamda ularning tarkibi:

CHempion WR Chess Team — Nepomnyashhiy, Nakamura, Firuzdja, So, Vashe-Lagrav, Duda, Kostenyuk, Xou Ifan, Rozenshteyn 

Kumush medal KazChess — Grishuk, Rapport, Esipenko, Maqsudlu, Sadvakasov, Ansat, Kamalidenova, Ayten

Bronza medal Hexamind Chess Team — Aronyan, Murzin, Dominges, Giri, Vidit, Deshmux, Panarin, Muradyan