WTA Finals. Kreychikova va Sinyakova juftliklar bahslari chempioni bo'lishdi

CHexiyalik tennischilar Barbora Kreychikova va Katerjina Sinyakova turnir finalida belgiyalik Eliza Mertens va tayvanlik Se Su-Vey tandemiga qarshi bahs olib borishdi. Uchrashuv 1 soatu 20 daqiqa davom etdi. Ushbu vaqt davomida Barbora va Katerjina juftligi raqibalarini 6/3, 6/4 hisobida mag'lub etib, juftlik bahslari chempioniga aylanishdi.

Kreychikova uchun WTA Finals turnirida qo'lga kiritilgan unvon  faoliyatidagi juftlik bellashuvlaridagi o'ninchi, Sinyakova uchun esa 13-si bo'ldi. Ushbu g'alaba chexiyalik tennischilarga 360 000 dollar mukofot puli va 1500 reyting ochkosini keltirdi.