Xemilton - Braziliya Gran-prisi g'olibi!

Interlagos avtodromida o'tgan musobaqada “Mersedes” jamoasi piloti Lyuis Xemilton zafar quchdi. Bunga Maks Ferstappen bolidining poyga davomida aylanib ketgani ham yordam berib yubordi. Buning natijasida Xemilton Maksdan o'zib ketdi va oxirigacha peshqadamlikni bermadi. 

Braziliya Gran-Prisidagi muvaffaqiyat Xemilton uchun joriy mavsumdagi o'ninchi, faoliyatidagi 72-titul bo'ldi. Maks Ferstappen 5 soniya farq bilan marraga ikkinchi bo'lib etib keldi. Kimi Raykkonen kuchli uchlikka yakun yasadi. 

Mercedes jamoasi xuddi Xemilton singari muddatidan avval qatorasiga beshinchi bor Konstruktorlar kubogini qo'lga kiritdi. Mavsumning yakuniy Gran-Pri turniri ikki haftadan so'ng BAAning Abu-Dabi shahrida bo'lib o'tadi.