Xitoydagi koronavirus sababli NXLda klyushkalar etishmovchiligi vujudga kelmoqda

Koronavirus epidemiyasi bilan bog'liq vaziyat tufayli Xitoydan NXL klublariga klyushkalarni etkazib berishda muammolarga duch kelinmoqda.

“Boston Globe” malumotlariga ko'ra, liga o'yinchilarining 75 foizi Xitoy fabrikalarida ishlab chiqariladigan klyushkalardan foydalanadilar. Klyushkalarni etkazib berish esa yanvar oyi oxirida to'xtatildi. Sababi mamlakatda shu vaqtda koronavirus tarqalishi bilan kurashish boshlandi.

Oldinroq, NBC jurnalisti Per Makguayr takidlashicha, klub rahbarlari unga klyushkalarning jiddiy etishmovchiligi kelib chiqayotganligi haqida xabar bergan. Makguayrning so'zlariga ko'ra, uskunalar bo'yicha menejerlardan biri jamoada xokkeychilar uchun cheklovlar borligini aytdi, yani  ular mashg'ulot uchun bitta, o'yin uchun ikkita klyushkadan foydalanishmoqda.

Jurnalistlar "Buffalo" va "Detroyt" klublaridagi vaziyat haqida qayd etib o'tishdi.

Ishlab chiqaruvchilar ushbu malumotni rad etishdi, ammo vaziyatdan xavotirda ekanliklarini tan olishdi.

“Bauer” kompaniyasi vakillari mavsum oxiriga qadar do'konlarga klyushkalar etkazib berishni aytishdi, ammo shaxsiy buyurtmalarni qabul qilish to'xtatilgan.

Xurshida Abdikulova tayyorladi