Xokkey bo'yicha jahon chempionati oldidan: Dastlabki raqibimiz – Quvayt

IV divizion o'yinlari Armaniston poytaxti Erevan shahrida o'tkaziladi.

Olti mamlakat: Armaniston, Indoneziya, Malayziya, Eron, O'zbekiston va Quvayt termalari kelgusi yili uchinchi divizionga ko'tariladigan omadli jamoani aniqlashadi. Davra tizimidagi o'yinlarga Admiral Isakov shoh ko'chasida joylashgan muz saroyi mezbonlik qiladi.

Hamyurtlarimiz dastlab 13 aprel kuni guruhdagi eng kuchli raqiblardan biri Quvayt termasiga ro'baro' kelishadi. Ertasiga mezbonlar bilan to'qnashuv etiborimizni tortadi. Bir kun dam olgach Eron termasi bilan kuch sinashib, to'rtinchi turda Indoneziya termasini engish zarur bo'ladi. Nihoyat, Malayziya termasiga qarshi o'yin bilan turnirga yakun yasaymiz.

Muxlislar etiboriga turnir taqvimini havola qilamiz.

2025 yilgi jahon chempionati (IV divizion)

Erevan, Armaniston

13 aprel, yakshanba

15:00 Indoneziya – Eron 

18:00 Quvayt – O'zbekiston 

21:00 Armaniston – Malayziya 

14 aprel, dushanba

15:00 Quvayt – Indoneziya

18:00    Eron – Malayziya

21:00 O'zbekiston – Armaniston

16 aprel, chorshanba

15:00 Eron – O'zbekiston 

18:00 Indoneziya – Malayziya 

21:00 Quvayt – Armaniston 

17 aprel, payshanba

15:00 O'zbekiston – Indoneziya 

18:00 Malayziya – Kuvayt 

21:00 Armaniston – Eron

19 aprel, shanba

15:00 Malayziya – O'zbekiston 

18:00 Indoneziya – Armaniston 

21:00 Eron – Quvayt 

* Uchrashuvlar boshlanishi Toshkent vaqti bilan ko'rsatilgan.

Mirzahakim To'xtamirzaev