01 apr 21:34
Yangiliklar

Xokkey

Xokkey. Gampr jahon chempionatining rasmiy maskoti bo'ladi

Teglar : Xokkey

Armaniston poytaxtida 13-19 aprel kunlari shaybali xokkey bo'yicha jahon chempionati IV divizioni o'yinlari bo'lib o'tadi.

Erevan shahridagi musobaqaning rasmiy timsolini aniqlash uchun tanlov ko'pchilikda katta qiziqish uyg'otdi.

Maskot tanlovining ekspert hakamlar hayati muallif Ella Amatuni ishini yoqlab ovoz berdi. Ella Dubayda tahsil olayotgan talaba, tanlovda zafar quchganidan o'ta mamnunligini takidlab, maskotni qanday yaratganini batafsil so'zlab berdi.

O'zining kuchi, chidamliligi va chaqqonligi bilan mashhur bo'lgan qo'riqchi it zoti Arman Gampr yaqinlashib kelayotgan xokkey chempionatining ramziga aylandi. Bu haqda ahl.life xabar berdi.

“Arman Gampr – bu asrlar davomida Armanistonning tog'li hududlarida odamlarni qo'riqlab kelgan noyob it zoti. Kuchli va katta tanasi, qalin yungi har qanday iqlim sharoitida uni himoya qiladi. Sodiqligi chempionlik uchun mukammal timsolga aylantiradi. Ishonchim komilki, bu ramz raqobat ruhini mukammal tarzda qamrab oladi”, - dedi Ella Amatuni.

Eslatib o'tamiz, 13-19 aprel kunlari o'tadigan xokkey bo'yicha jahon chempionati IV divizionida oltita mamlakat: Armaniston, O'zbekiston, Eron, Quvayt, Malayziya va Indoneziya terma jamoalari ishtirok etadi.

Mirzahakim To'xtamirzaev