Xokkeychilarimiz kattalar o'rtasidagi jahon chempionatiga tayyorgarlikni davom ettirishmoqda + FOTOGALEREYA

Mart oyining boshida yoshlar terma jamoamiz o'z yosh toifasidagi Jahon CHempionatida debyut qilgandi. Tailand bo'lib o'tgan debyut musobaqa vakillarimiz uchun muvaffaqiyatli bo'ldi – yoshlar III B divizionida g'alaba qozonib, nafaqat chempionlikni, balki keyingi bosqichga – III A divizioniga ko'tarilishdi ham.

Endilikda ushbu yutuqni katta yoshli Milliy terma jamoamiz takrorlashga harakat qiladi. SHu yil 13-19 aprel kunlari ular Armaniston poytaxti Erevanda bo'lib o'tadigan IV divizion musobaqasida o'z debyutini o'tkazadi.

Raqiblarimiz Armaniston, Eron, Quvayt, Indoneziya va Malayziya terma jamoalari bo'ladi. Ularning barchasi ilgari jahon chempionatlarida ishtirok etgan, yagona debyutant esa – O'zbekiston.

Milliy terma jamoamizning asosini U18 yoshlar terma jamoasining chempion yigitlari tashkil qiladi, ularga bir necha yillardan beri “Humo” jamoasida o'ynab kelgan katta yoshli xokkeychilar qo'shiladi.

Vakillarimiz ayni paytda musobaqaga hozirlik ko'rishmoqda. Ular 11 aprel kuni Armanistonga jo'nab ketishadi.