17 mar 12:43
Yangiliklar
Xokkey
Xokkeychilarimiz O'zbekistonda o'tkaziladigan Osiyo chempionatiga Rossiyada tayyorgarlik ko'rishadi
23-30-aprel kunlari yurtimiz xokkey bo'yicha U18 yosh toifasidagi Osiyo chempionatiga mezbonlik qiladi.
Musobaqaga puxta tayyorgarlik ko'rishni maqsad qilgan O'zbekiston yoshlar terma jamoasi bugun Rossiya Federaciyasining Qozon shahriga yo'l oldi.
10 kunga mo'ljallangan yig'in davomida yosh xokkeychilarimiz o'zlarining texnik va taktik mahoratlarini yanada oshirib olishadi. Eslatib o'tamiz, O'zbekiston terma jamoasi ushbu yosh toifasida amaldagi Osiyo chempioni hisoblanadi. Bo'lajak musobaqa Toshkentdagi “Humo arena” va Samarqanddagi “Ice Rink” majmualarida o'tadi, deyiladi MOQ matbuot xizmati xabarida.
Havola :
Fikrlar