Xorazmda “Vatanparvar” tashkiloti tashkil topgan kun nishonlandi

Binobarin, ushbu tashkilot yurtimizda sportning texnik va amaliy turlarini rivojlantirishga munosib ulushini qo'shib kelayotir. Joylarda ushbu sana munosabati bilan ko'plab tadbirlar o'tkazildi. 

O'zbekiston mudofaasiga ko'maklashuvchi “Vatanparvar” tashkiloti Xorazm viloyati kengashi tasarrufidagi viloyat texnik va amaliy sport turlari markazining ishchi-xodimlari o'rtasida ham pnevmatik miltiqdan o'q otish sporti bo'yicha uyushtirilgan musobaqa ham ana shular sirasidan, albatta. 

O'tkazilgan bellashuvlar ishtirokchilarda katta qiziqish uyg'otdi, ularga bayramona kayfiyat ham ulashdi. Yakuniy sarhisoblarga ko'ra, ayollar o'rtasidagi birinchilikda ombor mudiri Xosiyat Rahmatullaeva eng ko'p ochko to'plab, shohsupaning eng yuqori pog'onasini band etdi. 

Erkaklar o'rtasida kechgan musobaqada haydovchilik bo'yicha amaliy mashg'ulot o'rgatuvchi usta Rustam Kenjaev raqiblariga nisbatan ancha mohir mergan ekanligini isbotladi.

Musobaqa g'olib va sovrindorlari:

Ayollar

1. Xosiyat Rahmutullaeva (ombor mudiri) 

2. Dilafruz Matyoqubova (bosh hisobchi)

3. Mardona Salaeva(tibbiyot xodimi)

Erkaklar

1. Rustam Kenjaev                                            

2. Ollayor Qurbonov

3. Umirbek Matkarimov (uchalasi ham haydovchilik bo'yicha amaliy mashg'ulot o'rgatuvchi usta)

Musobaqada eng yaxshi ko'rsatkichga erishgan ishchi-xodimlar musobaqa tashkilotchisi - Xorazm VTAST markazi tomonidan taqdirlandilar.

Ikrom XUDOYBERGANOV, Urganch shahridan