Xorazmdagi sport obektlari ham vaqtinchalik shifoxonalarga aylantirildi

Joylarda kasallarga birlamchi tibbiy yordam ko'rsatish va davolash maqsadida tashxislash va saralash taqsimot punktlari ochilmoqda.

Jumladan, Xorazm viloyati jismoniy tarbiya va sport boshqarmasi tasarrufidagi sport talim muassasalari inshootlari ham koronavirus infekciyasiga chalingan bemorlarni davolash uchun maxsus markazlarga aylantirilmoqda.

SHu kunga qadar Urganch ixtisoslashtirilgan olimpiya zaxiralari maktab-internatining 4 ta sport zalida 718 o'rinli, Xiva shahridagi Olimpiya va milliy sport turlari bo'yicha davlat ixtisoslashtirilgan maktab-internatining kurash zalida 132 nafar koronavirus tashxisi qo'yilgan bemorlarni qabul qilishi uchun moslashtirilmoqda.

Mazkur vaqtinchalik shifoxonalarda bemorlar shifokorlar nazoratida bo'lib, tegishli muolajalar olishadi. Ishonchimiz komilki, biz birgalikda koronavirus infekciyasini engamiz.